Concorso Leterario 2021

PREMIATI

Al concorso letterario sono pervenuti complessivamente 73 lavori, così suddivisi per categoria:
pici (6-10 anni): 22
medi (11-14 anni): 47
grandi: (15-18 anni): 4

La giuria, composta da Rosanna Bubola, Tiziana Dabović e Marko Voštan, dopo aver analizzato i lavori pervenuti in forma anonima, ha deciso come segue:

 

CATEGORIA PICI

 

1° PREMIO
TITOLO: Nane cuca
- Download in PDF
MOTIVAZIONE:
"Maria Santissima che bondanza ancùo, mia Catina m'ha meso la rècia de'l porco!"
Par la belèsa de'l dialeto, co recupero de parole oramài in dizuzo, e la genuinità de la storia che rimanda a tenpi andài sensa retorica ma co schersoza alegrìa.
AUTORE: ANTONIO BASIACO - SEI “Edmondo De Amicis” Buie

2° PREMIO
TITOLO: L’amor...
- Download in PDF
MOTIVAZIONE:
"L’amor ze el cervel che diventa un budin e el mio cuor che bati forte co' la vedo!!!"
Perfeta descrision de l'amor vivesto a 7 ani: spontaneo e vero.
AUTORE: KAI CERIN DOMBA – SEI “Bernardo Benussi” Rovigno

3° PREMIO
TITOLO: Secondo mi ze nato tuto così
- Download in PDF
MOTIVAZIONE:
"Cusì el ga ciolto la tera de la Ciciarìa che una volta jera una montanja alta tre volte l’Everest e là la ga stivada in mezo a'l mar, tra l’izola e la tera che lori no i gaveva mai visto prima."
La stòria de come che ze nata l'Istria contada tenjìndo conto de i sui miti (i giganti), de la geografìa e mesa in un contesto fantastico.
AUTORE: RAFAEL VIŽINTIN – SEI “Edmondo De Amicis” Buie

MENZIONE
TITOLO: Le grote, le jame, l'ingiotitòjo
- Download in PDF
MOTIVAZIONE:
"Inte'l teritòrio Bujeze ze cuàzi tuto carso (krš) e là ze molte grote e jame controlade da'l Bilfo."

Le grote e le fòibe viste finalmente come belèsa de'l teritòrio, come un mondo magico proteto de'l Bilfo, creatura de le legende istriàne.
AUTORE: EIJI PERNIĆ – SEI “Edmondo De Amicis” Buie

 

CATEGORIA MEDI

 

1° PREMIO
TITOLO: Maestri fantastici e come conprarli
- Download in PDF
MOTIVAZIONE:
“Spècie: maestricus elementaribus inferioris (Mejo nota come “LA maestra” per ecelenza). Sotospecie: simplex. Descrizion: la ga pazienza con tuti, anche con i più tùmbani; la ga i nervi grosi come i brazi de Mastrolindo. Habitat: clase superdecorada tipo bonbonièra”

Una tematica original, cuèla de i diferenti tipi de insenjanti, afrontada co una granda doze de ironìa. Un raconto de la costruzion e de l'uzo de'l dialeto perfeti che riva far rider tuti: grandi e pici.
AUTORE: ALEXANDRA BUIĆ – SEI “Galileo Galilei” Umago

2° PREMIO
TITOLO: Le riflesioni de Luisa
- Download in PDF
MOTIVAZIONE:
“Che se una persona ze un fior, no bizonja eser i petali; se la ze un cuàdro, no bizonja eser la cornize perché dopo i petali i casca e la cornize se canbia.”

Per gaver savudo tratar inte'l modo giusto un tema inportante come le diversità e el bulizmo su i social network. Una anàlizi seria su i tenpi de ogi che ghe lasa a i giovani un mesagio inportante, cuèl de restar senpre se stesi.
AUTORE: SARA CALCINA – SEI “Galileo Galilei” Umago

3° PREMIO
TITOLO: La galina
- Download in PDF
MOTIVAZIONE:
“Per mi jera una noja / finché mio nono fazeva el boja. / Povera galina! / Cocodè no la farà / e i ovi più no la covarà!”

Momenti de vita rural istriana, pochi boni sentimenti e tanta realtà, a volte anca cruda. Una poezìa càriga de detalji divertenti descriti in rima perfeta.
AUTORE: ROCCO ŠTOKOVAC - SEI “Edmondo De Amicis” Buie

MENZIONE (EX AEQUO):
TITOLO: Colori
- Download in PDF
MOTIVAZIONE:
“e ela znela e fièra / la ne cusì invita, / a viver la vita / fata de tanti colori, / sìa che a noi, che a i fiori.”
Per el mesagio de pozitività co un belisimo uzo de’l dialeto.
AUTORE: MIA AGARINIS - SEI “Edmondo De Amicis” Buie

TITOLO: Le done - Download in PDF
MOTIVAZIONE:
“Una dona no la ze colpa per niente. Se ghe piàzi come la senbra che la se vesti come vol, perché un mascio dovesi dir cualcosa per come la ze?”
Una vizion su'l mondo de le done visto co i oci de una teenager, una coragioza critica co la speransa de rivar superar onji tipo de pregiudizio.
AUTORE: ENI DUSSICH - SEI “Edmondo De Amicis” Buie

 

CATEGORIA GRANDI

 

1° PREMIO: non assegnato

2° PREMIO
TITOLO: El doping de una volta
- Download in PDF
MOTIVAZIONE:
“...Ze mejo rivar dopo la dona de'l late, ma con le proprie forze”.

Sinpatico anedoto ingrumado da i ricordi de'l nono, dove el doping riva ligar tenpi andadi con un prezente pitosto duro, e no solo per la mularìa.
AUTORE: LEON KRIŽMAN – Ginnasio “Antonio Sema” Pirano

3° PREMIO: non assegnato

MENZIONE
TITOLO: Inamorarse in pandemia
- Download in PDF
MOTIVAZIONE:
“In pien periodo pandemico mi conoso una persona sinpatica e còcola che podarò veder da'l vivo e no online! Incredibile!“

Righe de speranza de una putela un bich stanca de dover rispetar le regole de la pandemia, ma che riva mandar a remengo la tristeza e con tanta voja, incuzar l'amor.
AUTORE: LANA MARIA BERNETIČ – Ginnasio “Antonio Sema” Pirano

 

 


 

L’Unione Italiana con el sostegno de la Region istriana, de la Cità de Buie, de la Region Veneto, del Ministero de i Afari Esteri e de la Coperazion Internazional e del Consiglio per le minoranze nazionali de la Republica de Croazia bandisi el

10. Concorso leterario in tel ambito de la manifestazion


REGOLAMENTO

  1. El concorso ze verto a tuti i fioi, pici e putei che ga tra i 6 e 18 ani
  1. El concorso ga 3 categorie:

    • a) Categoria Pici - per i fioi tra i 6 e i 10 ani*
    • b) Categoria Medi - per i fioi tra i 11 e i 14 ani*
    • c) Categoria Grandi - per i fioi tra i 15 e i 18 ani*

 *ani fati (compiudi) al momento de la scadenza del concorso.

  1. I lavori devi eser scriti solo in istroveneto, se no no va ben.
    Ognidun pol mandar solo un lavor, original e mai publicado o premiado prima, in te la forma che più ghe piazi (pensierin, pensier, storia, poezia, ricerca, intervista ...) de lungheza masima de do (2) cartele (2 foi A4).
  1. I lavori devi rivar scriti sul compjuter per le categorie Medi e Grandi, inveze per la categoria Pici va ben anche lavori scriti a man. Sui lavori no devi eser el nome de chi lo ga scrito.
  1. Per mandar i lavori ze sai facile: basta andar sula pagina istroveneto.com e là trovarè, soto Concorsi – concorso leterario - do robe:
  1. I lavori, insieme con el modulo dei dati e la delibera firmada, se pol mandar fino el 20 magio del 2021, al indirizo de posta ‘letronica: cultura@unione-italiana.hr
  1. I lavori sarà valutadi de una 'pozita giuria nominada de l’Unione Italiana e come dizi lori, cusì ze.
  1. I meji lavori ciaparà questi premi:

    Categoria pici
    - primo premio: 700,00 kune*
    - secondo premio: 500,00 kune
    - terzo premio: 300,00 kune

    Categoria medi
    - primo premio 1.200,00 kune
    - secondo premio: 800,00 kune
    - terzo premio: 500,00 kune

    Categoria grandi
    - primo premio 1.500,00 kune
    - secondo premio: 1.000,00 kune
    - terzo premio: 800,00 kune

    *(o controvalor in euro)
  1. Su la data e el logo de consegna dei premi sarè informadi per tempo.
  1. Tuti quei che manda el lavor, creature e maestri, i ciaparà un atestato de partecipazion.

Download allegati:

 Modulo de adesion - Concorso leterario istroveneto 2021

 Delibera privacy

 PICCOLA GUIDA ALLA GRAFIA DELL'ISTROVENETO

NOVITA'