In ocasion de la Giornada internazionale de la Lingua Mare, L’Unione Italiana con el sostegno de la Region istriana, de la Cità de Buie, de la Region Veneto, del Ministero de i Afari Esteri e de la Coperazion Internazional e del Consiglio per le minoranze nazionali de la Republica de Croazia bandisi el

 

9. Concorso video in tel ambito dela manifestazion

REGOLAMENTO

1. El concorso ga come scopo quel de documentar in istroveneto un momento de la storia pasada o presente.

2. El concorso ze verto a tuti, solo no ai profesionisti, e ga do (2) categorie:
   
   
   • Categoria soto i 18 - under 18 *
     sezion 1 – lavor individuale
     sezion 2 – lavor de grupo (masimo 5 persone)
   • Categoria sora i 18 - over 18 *
     sezion 1 – lavor individuale
     sezion 2 – lavor de grupo (masimo 5 persone)

* ani fati (compiudi) al momento dela scadenza del concorso.

3. I video che ne mandè no ga limiti de genere (documentario, intervista, fiction e quel che volè). El tema ze libero, ma el parlado devi eser istroveneto, altrimenti no va ben.

4. Al concorso se pol mandar un (1) video che dura al masimo tre minuti.

5. Per mandar i lavori ze sai facile: basta andar sula pagina istroveneto.com e là trovarè, soto Concorsi – Concorso video - do robe:
   
   
   • 1. roba: el modulo con i dati de impinir;
   • 2. roba: la delibera firmada dei genitori (per la categoria soto i 18 ani), o del autor (sora i 18 ani)
   
   Per chi partecipa in te la sezion Lavori de grupo, la delibera devi eser firmada per ogni creatura che partecipa.

6. I lavori, insieme con el modulo dei dati e la delibera firmada, se pol mandar fina el 17 april del 2020, al indirizo de posta ‘letronica: cultura@unione-italiana.hr.
   
   Per mandar i lavori se pol doperar anche We transfer o altre robe per mandar documenti pezanti.

7. I lavori sarà valutadi de una 'pozita giuria nominada dal’Unione Italiana e come dizi lori, cusì ze.

8. Per la Categoria soto i 18 – under 18, podarà eser dadi un primo, un secondo e un terzo premio, per ogni sezion.
   Per la Categoria sora i 18 – over 18, podarà eser dado un primo premio, per ogni sezion.
   In più, la Comision pol decider de dar una menzion a quei lavori meritevoli, ma no premiadi.
   
   Categoria soto i 18 - under 18 *
   
   Sezion lavori individuali
   primo premio: 2 biglieti per tuto el giorno per un parco acquatico + un laboratorio gratis ala Pulska filmska tvornica (a Buje)
   secondo premio: 1 biglieto per tuto el giorno per un parco acquatico
   terzo premio: 1 biglieto per meza giornada per un parco acquatico
   
   Sezion lavori de grupo
   primo premio: per ogni partecipante, 1 biglieto per tuto el giorno per un parco acquatico
   secondo premio: per ogni partecipante, 1 biglieto per meza giornada per un parco acquatico
   terzo premio: un laboratorio gratis ala Pulska filmska tvornica (a Buje)
   
   Categoria sora i 18 - over 18 *
   
   Sezion lavori individuali
   primo premio: 1.000,00 kune*
   *(o controvalor in euro)
   
   Sezion lavori de grupo
   primo premio: per ogni partecipante, 1 biglieto per tuto el giorno per un parco acquatico

9. La consegna dei premi sarà a Buie, sabato 13 giugno 2020 ale 4 de dopopranzo, in te la Comunità.

10. Tuti quei che manda el lavor, creature e maestri, i ciaparà un atestato de partecipazion.

Download allegati:

 Modulo de adesion - Concorso video istroveneto 2020

 Delibera privacy - soto i 18 ani

 Delibera privacy - sora i 18 ani